Ezkutuko Txapeldunen Behatokia sortu dugu.Gure benetako txapeldunak laguntzeko, bultzatzeko eta ezagutarazteko plataforma.
Ezkutuko Txapeldunen Behatokia Orkestra-Lehiakortasunerako Euskal Institutuak bultzatutako proiektua da. Institutuak sakon aztertu ditu enpresa horien ezaugarriak, jakin bai baitaki gure ekonomiarako izugarrizko balioa dutela, ongizate inklusiboaren iturri direla eta funtsezkoak direla Euskal Autonomia Erkidegoaren aurrerapenerako eta lehiakortasunerako. Proiektuak BBK Banku Fundazioaren babesa du. Fundazioa oso konprometituta dago gizarte garapenarekin eta ekonomiaren sustapenarekin eta, horretarako, lurraldean oso errotuta dauden enpresa proiektuak bultzatzen ditu.
Bi erakundeen izaera berritzaile eta irekia bat dator gure Ezkutuko Txapeldunen DNArekin. Elkarrekin, enpresa horiek guztiak ikusarazi, ezagutarazi eta bultzatu nahi ditugu.
Ezkutuko txapeldunak,
tokiko eragina.
Euskal Autonomia Erkidegoko Ezkutuko Txapeldunak nazioarteko merkatu nitxoetako edo sektore oso espezializatuetako liderrak dira. Orkestrak INML ere deitzen die, ingelesezko International Niche Market Leaders izendapenaren siglengatik. Lehiakortasun handiko ekonomia berritzaile eta irekien aurrerapena ulertzeko gakoetako bat dira, garapen ekonomiko eta ongizate maila handiko lurraldeetan.
Eskualdeko eta nazioarteko ekonomian funtsezko zeregina duten enpresak dira
Familia enpresak edo kooperatibak dira, manufakturako sektorekoak, eta Business-to-Business (B2B) merkatuan aritzen direnak. Horregatik, ez dira hain ezagunak jendearentzat. Lurraldean oso errotuta daude, eta lotura ekonomiko eta harreman estuak dituzte beste enpresekin, zentro teknologikoekin eta hezkuntza zentroekin. Enpresa horien arrakastaren oinarriak kalitateari, berrikuntzari eta nazioartekotzeari ematen dioten garrantzia dira.
Lurraldean duten eragina
Euskal Autonomia Erkidegoko enpresa errealitatean, industria tradizioa eta berrikuntza gaitasuna nabarmenak direnean, enpresa horiek ongizate inklusiboa sortzen dute, gure ehun ekonomikoaren aniztasuna errazten dute, eta gure lurraldearen lehiakortasunari laguntzen diote, hainbat bidetatik:
- Ezkutuko txapeldunek (INML) enplegu aukera egonkorrak eta kalitate handikoak sortzen dituzte; izan ere, hain saturatuta ez dauden merkatuetan aritzen dira, beren hornidura kateak lurraldeari lotuta daude eta beren sektoreetan abangoardian daude.
- Ezkutuko txapeldunek (INML) 15.000 pertsonari ematen diete lana, eta haien produktibitatea, langile bakoitzeko balio erantsi gordinean neurtua, manufakturako enpresen 75 kuartilaren (Q1 kuartila) gainetik dago.
- Nazioartekotzea naturala da ezkutuko txapeldunetan (INML); izan ere, etxeko merkatuan ez dute nahikoa eskaririk aurkitzen. Horregatik, esportazio tasa oso handiak dituzte eta asko laguntzen dute kanpo merkataritzan emaitza onak izaten. Atzerrian saltzen duten enpresen abangoardia dira.
- Ezkutuko txapeldunek (INML) salmenten % 75 esportatzen dute, eta partaidetzapeko 241 enpresa dituzte, Espainiatik kanpoko 39 herrialdetan.
- Ezkutuko txapeldunek (INML) errendimendu ona dute I+G+Bn, desberdintzean oinarrituta lehiatzen diren espezialistak direlako. Etengabeko berrikuntza eta hobekuntza sustatzen dute, eta Euskal Autonomia Erkidegoa industria eta teknologia bikaintasunaren mapan kokatzen dute.
- Ezkutuko txapeldunek (INML) fakturazioaren % 4 bideratzen dute I+G+Bko jardueretara, antzeko beste enpresen batezbestekoaren bikoitza.
- Ezkutuko txapeldunek (NML) lurraldean errotzea sustatzen dute, ingurunearekin konpromiso handia dutelako eta haien kokalekuan ongizatea sortzea bultzatzen dutelako.
- Ezkutuko txapeldunak (INML) nagusiki euskal jabetzako enpresak dira eta haien artean pisu handia dute familia enpresek (% 34,21) eta kooperatibek (% 23,68).
- Tokiko balio kateetan txertatuta daude eta lurraldeko hornitzaileekin harreman egonkorrak dituzte. Modu iraunkorrean lan egiten dute jakintzaren arloko tokiko eragileekin, besteak beste, zentro teknologikoekin edo lanbide heziketako ikastetxeekin.
- Ezkutuko txapeldunen (INML) % 75etik gora euskal ekonomiako sektore giltzarri edo bultzatzaileetan aritzen dira, eta lotura ekonomiko estuak dituzte gainerako enpresekin.
- Biztanleria metropolien inguruko aglomerazioetan kontzentratzeko joera gorakorra arintzen dute, hirigune txiki eta ertainetan kokatzen baitira, hiri handietatik kanpo.
- Ezkutuko txapeldunen (ILMN) % 75 baino gehiago euskal hiriburuetatik kanpo daude.
Nola identifikatzen dira?
Ezkutuko txapeldunak nazioarteko merkatu nitxoetako edo sektore oso espezializatuetako liderrak dira. Orkestrak INML ere deitzen die, ingelesezko International Niche Market Leaders izendapenaren siglengatik.
Produktu propioa duten enpresak dira eta horrekin, mundu mailako salmentetan aurre-aurrean daude (produktu izarra). Gehienbat, finkatutako enpresa proiektuak dira, 10 urte baino gehiago dituztenak, eta enpresa kultura berritzailea eta konprometitua dute. Horren erakusle, emaitzak berrinbertitu egiten dituzte eta lurraldean harreman ekonomiko sakonak garatzen dituzte.
Horrelako enpresak identifikatzea konplexua da, eta behatoki honen helburua da gaur egungo INMLak ezagutzeko eta beste potentzial batzuk identifikatzeko metodologiak hobetzea.
Zein dira International Niche Market Leader baten ezaugarri bereizgarriak?
Merkatu nitxoko kokapena
Beren eragiketa esparruan enpresa aintzatetsiak eta liderrak dira, eta merkatu kuota esanguratsuak lortu dituzte, produktu izarraren gutxieneko negozio bolumenarekin (Europan top 1 edo munduan top 3).
Hazkunde dinamika
Salmentak merkatu globalaren gainetik hazten dira.
Nazioarteko izaera
Nazioarteko bokazio handia dute, negozio zifraren % 50 baino gehiago esportatzen baitute.
Ezagutu itzazu
Oraingoz hauek dira, baina lanean jarraitzen dugu beste potentzial batzuk identifikatzeko eta gure lurraldeko ezkutuko txapeldunen kopurua handitzeko.
Azterketa kasua
Gure Ezkutuko Txapeldunetako bat aurkeztuko dizugu, xehetasun handiagoz: azterketa kasu argigarria da, espezializazioagatik, berrikuntzagatik edo epe luzeko ikuspegiagatik beste enpresa batzuentzat inspirazio iturri izan daitekeena, egin beharreko urratsak erabakitzeko.
Lider globala nekazaritzako osagaien eta erraminten fabrikazioan
Argitalpenak
Hamarkada bat baino gehiago gure ezkutuko txapeldunen (INML) ezaugarriak eta ekonomian duten eragina aztertzen.
Ezkutuko Txapeldunen komunitateko kide izan nahi duzu?
Badakigu Ezkutuko Txapeldunak izateko ahalmen handia duten enpresa asko daudela Euskal Herrian. Uste duzu zurea horietako bat izan daitekeela?
Anima zaitez formularioa betetzera, eta jakin ezazu zure enpresa komunitate horretako kide izan daitekeen, nazioarteko merkatuen nitxoen buru diren edo hori lortzeko potentziala duten euskal enpresen arteko esperientzia-trukea errazten baitu. Ausartu zaitez eta ikusiko duzu zure enpresa ez dagoela bakarrik egungo nazioarteko merkatuak planteatzen dituen erronka handiei aurre egiteko.
Erregistratu ondoren eta bete formularioa zure enpresaren negozioari buruzko datuekin. Jasotako informazioa konfidentzialtasun osoz tratatuko da, eta behin aztertu ondoren, zurekin harremanetan jarriko gara diagnostiko pertsonalizatua emateko.
Proiektuari buruz gehiago jakin nahi baduzu, idatzi hona:
Anima zaitez inprimaki hau betetzera eta jakin zure enpresa komunitate honen parte izan eta haren abantaila guztiez baliatu daitekeen.
Dagoeneko komunitateko kide bazara,
hemendik sar zaitezke.
Orkestraren proiektu bat
Laguntzailea
